Ein bietje laat op gestange, de mondig wirktj nog effe door.
Mer affeng, we gaon weer good gemutstj (letterlik en figuurlik) nao de Prairie.
ongerweges effe de drappoo ophole bie de zéke Bambam (Jos van Pleunis) en gauw wiejer.
Eine leuke optocht met de kinjer, ongerweges get improvisere (met blaoze).
Den 't aafsjied van de jeugdprins en prinses, ein mooie tradisie. met as aafsloeting de scepter vanne jeugdprins de locht in laote aan eine groete tros ballonne en we blaoze Auf wiederseen. Mer dè zuuse noets mier truk.
En den, mein aafsjied vanne vastelaovendj, met eine brok inne kèl gaon ich Jep en Sjönes Maartje zeuke om zes oor.
Ein stevigge hand en knuffel van Jep en ein dikke kus van Maartje.
Aafsjied vanne jonges en den nao hoes, ongerweges toch ein paar trûenkes gelaote......
Waat waas de vastelaovendj dit jaor super zeg, kin det nog oets euvertroffe wère?

Smiddes met de Fanfaar met oppe waage en windj in bloaze met ein klein gezellig gruupke.
As we rondj zeen gewestj, gauw vanne waage aaf en noa de optocht kieke bie Fer inne straot.
Saoves om zeve oor bie-ein komme bie Siem inne gooi kamer. Det waas ein sjoen verassing veur ooze Jep.
Met muziek de zaal in, alle prieze vergève en weer lekker effe baoze.
Den bie Siem nao binne, oppe buun en weer flink anum. Det wass hoole klot, auch de jeugd is fan vann Koalderbend en de Oije Dresswaar. Weer eine sjoene daag, waat ein fiest!

Kei Sjiek dao in Echt bie Repke Tepke op 't Zaat Hermenikes Festival.
We zeen om agt oor vertrokke mette bus en hebbe effe lekker kinne lalle en loestere nao die anger kapelle.
En om bienao twelf oore woore we ane beurt, harstikke gaaf.
Inne pause hebbe drie man van oos metgedaon met de wedstried frikkedelle happe, ooze Jep veurop nateurlik.
Om twee oor weer mette bus truk en nog effe bie Siem get muziek gemaaktj en get gedronke, we haaije toch nog niks gr

Doa hebbe we ein leuk optrèje gehadj, we hebbe Prins Jep hiel sjoen kinne verasse.
Hè waas al joare aan 't zanike euver een leuk nummer det d'r op Youtube haai gezeen.
En det hètj "Sjeunes Mädschen aus Acharia", oorspronkelik van Demis Roussos.
Nouw, ooze muziekmeisster Fer Koolen heet ein paar daag van te veuren ein arrangement gemaaktj en nao oos gemaildj.
Nao effe rippetere veuraaf aan de receptie klonk det wie ein klökske en Jep waas hiel blie en heet zien pertie ingeliesdj aangebooje gekrege. De aafsloetin boos d'r zelf weer met, met de..........Oije Dresswaar!!!
(kiek auch nao de foto's in 't fotobook)

Hanzl